Balena gëIItit burrin në kanoe dhe më pas ‘e pështyn’ sërisht jashtë

by

Në videon shokuese shihet 24 vjeçari Adrian Simancas, duke vozitur në kanoe para babait të tij në ngushticën e Magelanit në jug të Kilit, para se ai të zhduket papritur.

Kjo pasi një balenë gjigante gungaçe del nga deti dhe hap gojën duke marrë brenda Simancas bashkë me kajakun e tij.

Babai Dell Simancas dëgjohet që thërret disa herë nga i biri duke i kërkuar ‘të qëndrojë i qetë dhe të kapë një litar’.

Incidenti besohet se ka ndodhur pasditen e të shtunës.

Pamjet janë bërë virale në rrjet edhe pse shumë pretendojnë se mund të jenë të manipuluara.

Por duke folur pas incidentit, 24-vjeçari tha: “Pashë diçka të madhe blu me të bardhë dhe nuk e kuptoja çfarë po ndodhte. Një moment u fundosa dhe mendoja se më kishin ngrënë”

Balenat nuk mund të konsumojnë pre të mëdha pasi nuk kanë dhëmbë por babai i të riut thotë se u trembur pa se ishte zhdukur.

“Ai u zhduk për rreth tre sekonda dhe më pas doli përsëri, atëherë u qetësova”, thotë i vjetri.

Megjithë tmerrin të dy babë e bir shpëtuan të palënduar.

Ata më pas kishin ndërprerë lundrimin e tyre prej motit të keq, por do të vijojnë të eksplorojnë detin e tyre në të ardhmen.