Sipas një raportimi të mbërritur në redaksinë e JOQ Albania, një avion i linjës Tiranë-Hamburg i kompanisë Wizz Air është devijuar dhe është detyruar të ndalojë në aeroportin e Vjenës.
Një qytetar, i cili e ka ndjekur fluturimin në aplikacionin FlightRadar, ka ndarë me ne informacionin dhe fotot përkatëse.
Në aplikacion shfaqet qartë rruga e fluturimit dhe njoftimi për devijimin e avionit Airbus A321 me numër regjistrimi HA-LXY.
Mesazhi i qytetarit:
“Përshëndetje JOQ! Një avion i Wizz-it, nisur për Hamburg, ka devijuar dhe ndaluar në Vjenë. Për siguri, mund të publikoni nese ka ndonjë pasagjer që mund të na thotë a është gjithçka në rregull? Se çfarë nuk po dëgjojmë këto ditë!”
Arsyeja e devijimit ende nuk është bërë e ditur. I bëjmë thirrje pasagjerëve ose të afërmve të tyre që kanë informacion mbi situatën të na kontaktojnë për të ndarë më shumë detaje.
JOQ Albania do të vazhdojë të ndjekë këtë çështje dhe do t’ju mbajë të informuar mbi zhvillimet e mëtejshme.