GREQI- Autoritetet greke kanë arrestuar një 14-vjeçar në Panorama të Selanikut, pasi i mituri tentoi të vriste babanë e të dashurës së tij.
Ngjarja ka ndodhur pasditen e Krishtlindjeve në shtëpinë e 64-vjeçarit ku ndodhej vajza e tij 16-vjeçare dhe i dashuri i saj 14-vjeçar.
Në një moment dhe për arsye ende të panjohura, 16-vjeçarja është përleshur me babain e saj 64-vjeçar. Më pas 14-vjeçari ka marrë një thikë dhe ka sulmuar 64-vjeçarin të cilin e ka plagosur.
Policia dhe një ambulancë mbërriti në shtëpinë ku ndodhi ngjarja në Panorama, ku mjekët morën 64-vjeçarin dhe e dërguan në një klinikë private, ndërsa efektivët arrestuan 14-vjeçarin.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.